|
September |
Bahl kee Schellemstöck mieh Vüe
50 ‑ 60 Joohr passierte och Schellemstöcke. En dä Zitt jeng jede Sammstich een Jrupp bichte. Ens woere die Eltere an de Rey. Dann die Jonge
on die Mädche, on eene Sammstich die Kenne. Jetz moss keene soon,
datt wäere dumols alles Engele jewäes. Dumols spellten die och jäe ne Streech. Ens stonne die Jonge von 10 ‑
14 Joohr füe dä Kerch on waate,
datt Pastue en dä Bichstohl käm. Däe vespät
sich jet. Statt däm koom datt alt Dröckche, datt och bichte woll. Do hatte die Jonge en Idee. Pitte jeng flöck en dä Bichstohl on Dröckche soot demm treu on brav, watt et meent, watt et jesündich hätt. Dröckche moot als Booß e Vaterunser bädde. Dann krech et de Lossprechung, schön en Lateng.
Datt die met: "Suscipat Domini sacrifitium"
aanfeng, merk Dröckche net. Et bett noch se Vaterunser; dann jeng
et heem. Do koom dä Pastue jrad erenn.
Äe entschuldigt sich bej Dröckche on soot, et könnt
stracks en de Bichstohl konn.
Dadrop soot Dröckche, et hätt att bej demm
jonge Häe jebich, däe hätt
et jenau su schön jemääch wie dä Häe sellewe. Pastue
leet Dröckche en sengem Jlaube. Äe woss äwwe,
datt seng Jonge do ne Streech jespellt hatte. Jetz mooten se bekenne. Pitte, däe em
Bichstohl woe, woe et jetz ja net jot am Liev,
Dröckche se Sündebekenntnis woe
jetz keene Jux mieh, wann die annere och dadröwwe lachte. Die woere jespannt, watt äe dem Pastue soon dät. Pitte
soot zwar, wie alles konn
woe. Zem Schluss meent äe äwwe:
"Watt Dröckche jebich
hätt, soon ich keenem. Datt es
Beichtgeheimnis:" |
|
Besuch en Kölle Männichmool es et interessant en die Stadt ze fahre.
Alleen att di Betrieb om Haupbahnhoff. Do steech ne
Knubbel Mensche üss däm Zoch, datt me
sich bahl net mieh dörch fend.
Komisch, wann die ens all de Trapp eraff jejange sen, hätt dä
Knubbel sich flöck opjelös.
Vell Löck fahre met nem annere Zoch
widde. Die noch net vell jerees sen,
sen all jet opjeräch, ähnlich wie ich. Annere
wesse jenau, wie et widde jeht. Ne Trupp Mädche on Jonge, 15 ‑ 16 Joohr alt, setzte sich en eene
Eck op ihr Jepäck. Se öwwelächte anscheinend, wie et widde
joohn soll. Se hatten ne Stadtplan on en Kaat. Janz jeheuer woe et däm Trüppche
net, se hatten all ne ruede
Kopp. Me sitt vell Jastarbeiter. Äwwe en kleen Afrikanerin woe su fein, su elegant, die pass och no Paris on no London. Ich jeng em Dom jrad "Tag soon" on
dann en su e jrueß
Kaufhaus. Do kann me alles koofe,
wie me sööt. Ich woll jo janet
alles koofe, bloos e paar
Kleenichkeete. Dafüe soll
me ejendlich ja net en su e jrueß
Jeschäff joohn. Do jeeht et wie em Bösch, dä me va
lütter Bööm net sitt. Do steht on hänk su vell, datt
me sich ja net vüestelle kann, datt dat ens all vekoof
wieet. Op eenem Rejal stohn
en janz Rejh fein bemoolte
Waasköpp met Perücke, als
wenn et richtig Fraulöcksköpp wäere.
Eene noch schöner wie dä anne. Op eemool
merk ich, wie eene Kopp laach
on de Leppe bewäech. Datt moot ich doch wesse, wat domet woe. Et woe en Verkäuferin, die
ihre Kopp jenau su parat
hat wie die Perücke, die se vekoofe doot. Do moot ich doch laache. Op ner
annere Stell stoon 10 Fraulöcksbeen, met feine
schwatze Netzströrnp op nem Rejal, de Spetz no oewe. Su erömm kann e Been och schön üsssehn, schön
schlank, keen eenzich Krampoode draan. Die Löck wesse, wie me en War an dä Mann oder de Frau bränk. On
schwatz Hööt sen modern.
Die stonne op Steroporköpp. Schön deef en de Oore jetrocke. Su jett hätt et fröhde och ens jejänn. Späde koom ich aan die Abteilung füe
"Damenkleider", watt me
su nennt. Hee ne Zibbel on do ne Zibbel, dä Üssschnett em Röcke on emme drej Deel öwvveenanne.
Datt es jetz modern. Ich frooch die Verkäuferin, off se och jett füe meng Zoet Löck hätt. "Sicher, meine Dame“, soot se on zeech op ne Ständer aan dä Sitt. Do woere werklich e Paar Kleede, die me "allenfalls" hätt aandoon konne. E Jlöck, datt ich je kee Kleed jelle
woll. Hee hätt ich bestemp keent fonne, watt miee jefalle
hätt. Die Jäng en dem Jeschäff woere all scheef aajelääch, me meent bahl,
me wäe en nem Irrjaade. Dann die dröckend Luff, die hell Lampe
on die vell Mensche, datt
konnt ich net üsshaale, ich moot erüss. Wann op dä Strooß ze
Kölle och keen jot Luff es, su wue et miee
doch beiste. |
|
Mem Fläejel dreische es och en Kons En dä Zeydung stoon: "Erntedank wie bei Oma und Opa im Museum. Datt woll ich miee doch aanseehn. Me moss sich werklich öwweläje wie datt dumols woe.
En dä Zitt, wo Weeß on Hafer mem Hawejeschiee jeschnedde wue, wie mem Fläejel jedreische on met de Wannmöll die Fruech reenjemäch wue. Off die Löck em Museum werklich wesse, wie datt dumols woe? Wie ich ze Kommere
dä Berg eropp jeng, troof ich eene, däe jenau
esu langsam maache moot wie ich. Äe woe och Bue jewäes
on woll sich och datt Spell aasehn. Wie miee zwei oewe aakoome, woeren do Jott weeß wie vell Mensche. Menge nöje Frönd dränk sich trotz seng 82 Joohr dörch datt
Volek en die Schüe, wo jedreische wue, on zwar mem Fläejel. Do woere 2 Mann am fläjele, äwwe dä Tack stemp net. Datt woere Lieejonge.
Menge Frönd schott ens mem Kopp, datt jefeel em net. Äe doot die Zija üss däm
Mond on hollt eenem van de Männ dä Fläejel üss dä Hand. Däe woe fruh, datt äe
datt Stöck Holz quitt wue, datt bewäech sich janet su, wie äe woll. Menge Frönd holt ens
deef Luff on doot e paar Schläch met dem Fläejel. Äe feng aan ze
Iaache, ich merk, äe konnt et noch. Äe fläejelt sich en een Bejeisterung erenn, als wenn äe soon wöll
"Kickt ens, su wieet jefläejelt". Dä Berg eropp woll äe öwwe
die domm Pomp schänne:
"Me Hätz well ja net mieh met
doon". Datt domme Hätz doot
jetz doch met. Schaad, datt keene zweite Mann do woe däe met
mache konnt. Ze zweit
oder ze drett jefläejelt joov esu ne schöne Tack wie höck e
Schlagzeug. Menge Frönd droosch
datt eene Bett üss. Datt hatt
Spaß jemääch. Äe botz sich dä Schweeß aff on määch sich seng Zija wiee an. Dann klopp äe sich dä Stöpp vam
Hoot on van däm jode Aanzoch. Höck woe datt
all ejal. Dafüe hatt äe höck
en Ärbed jedoon, die äe sitt 40 ‑ 50 Joohr net mieh
jedoon hatt. On die hatt noch jeklapp. Äe besooch sich och die aal Wannmöll,
die do stonn. "Die Männ
wesse net ens, wie die Siebe richtig dren
konn. Su kann me von dä Fruech
kee Brued backe". Eenem, däe jätt
von dä Ärbed vesteeht, kann me kee X füe e U vüemaache. |
|
Watt eenem en Öskerche passiere kann Ich hatt füe jett Joohre ze Öskerche
Bettzeug opärbede loße. Datt jeng flöck.
Datt janze kaus dumols 140 Mark. Wie ich
bezahle woll, merk ich, datt
ich et vekieete Portmonee debej
hatt. Watt soll ich noe maache? Ich woll jetz ohne Bettzeug heemfahre.
Wann noch ens ene mem Auto no Öskerche füe, woll ich met dämm meng Saache affholle. Däe Vekäufe woll miee die Saach lieech maache. Äe meent: "Leev Frau, hatt Ihr üre Pass do?" Hatt ich net. "Hatt Ihr dann ne Führerscheng?" Hann ich kenz eene jehatt.
Du soot äe: "Wesst Ihr dann wenigstens, wie Ihr heescht?"
Datt woss ich. Ich soot em menge Name. Dadrop joov däe
jode Mann miee me Bettzeug met, ohnt ne Fennig aazebezahle. Äe hätt se Jeld met däe nächste Poss kreje. Hätt
dä Mann su vell Menschenkenntnis? |
|
Et woe bloos Äezezupp De Löck sen all onneschedlich.
Eene freut sich öwwe ditt on däe anne
freut sich öwwe datt. Su een jrueß Freud
krejt me net esu off. Do moss me att met kleene zefredde sen. Ich freue mich öwwe Bloome on
Vuggele, öwwe Kenne on öwwe de Sonn, wann se schenk. on öwwe Löck, die mich
vestoon. Dafür moss
me jo ens
ieesch met däe Mensche spreiche. No moss keene soon,
miee spreiche all
deutsch, also versteht hee jede däe
anne. Wöet on ne Satz
versteht jede. Datt es net
jemeent. Met eenem sprech me en half Stonn onn versteht sich doch net. Met nem annere sprech me zwei Sätz. Dann weeß me att,
däe versteht mich. Ich hatt ne jode Daach, datt ich suen Mensche troof. Löck, wo
ich höck noch draan
denke. Net weil se schön, rich oder berühmp woore. Nee bloos, weil me sich so jot vestoon, als hätt me sich att lang jekannt. Ich koom als eenzije
Fremme en een Jesellschaff von honnet
Mensche. En Frau bräch miee
ne Teller Äezezupp on hollt
mich met aan ihre Desch.
No zehn Menutte woe ich met em Jespräch,
wo jede e Stöckelche von senge Siel frejläje konnt. Nex von haan, kreje on wönsche. Nee, do wue vom Kummer, Sorg on Probleme jesprauche.
Jede
krech ne kleene Trues, nee Root on jode Wonsch met. Füe vell Jeld kann me öwweall
eiße joohn, drej, vier Jäng, on een jot Flasch Weng debej drenke. Dann es me och satt. Off me dann äwwe su fruh es, wie ich bej menge Äezezupp woe, weeß ich net. Ich freue mich höck noch dadröwwe. |