|
November |
Jeschenk zweschedörch Ich hatt
en Kall jett ze besorje on fuhr mem Zoch daa. Zeröck
woll ich mem Bus fahre. Vüem Bahnhoff woe ne Ausländer, däe frooch die Löck: "Wo sein hier Taxi? Wo sein hier
Steinfeld?' Die Löck wenkte mem
Kopp on jenge widde. Däe Ausländer woe schrecklich opjeräch. Veliech woe do e Onjlöck passiert. Ich jeng bei der Mann on woll e
Taxi aanrofe. Äe frooch mich off 10 Mark füe datt Taxi jenoch wäe. Ich kenne nex dovon on frooch däe Fahrer von dem Schollbuss, däe jrad do heel.
Däe meent, 10 Mark wäre seche ze wennich. Äe führ jetz äwwe stracks no Steefeld. Däe Mann könnt met em no Steefeld fahre. Däe Ausländer bedank sich bei mir, als wenn ich Gott weß net watt
füe en jedoon hätt, on steech een. Wie ich in Kall
fäedich woe, moot ich bahl noch een Stonn op
menge Bus waade. Ich jeng
en die Wieetschaff am Bahnhoff,
öm do en Tass Kaffee ze drenke. Do stonn däe Ausländer, met dämm ich morjens jesprauche hat, an der Thek, on dronk e Jlas Bier. Äe wenk mir on frooch, off äe bei mir am Desch setze
könnt. Äe
brääch se Bier met on feng aan ze vezälle. "Heimat sein Türkei", däe woe vehierood
on hatt vier Kenne, 9, 10 on 12 Joohr.
Datt Kleenste woe 6 Joohr alt. Äe ärbed en enem
Betrieb bei Düere. "Gern arbeiten. Chef sein
zufrieden. Alles gut. Kinder gut. Familie gut." Bes
für zwei Dach, do woe seng Frau jejange.
"Das sein viel traurig. Jetz hat äe am letzte Owend Bescheed kreje, seng Frau wäe en Steefeld. Do woe äe jetz gewäes.
"Frau bitten, wieder zurück kommen. Dann fremder Mann kommen, sagen zwei
Tage warten, wenn ruhig, dann zurückkommen." Su
opjeräch, wie däe Mann morjens woe, konnt äe wirklich net vernöneftich öwweläje. Der Türk soot noch:
"Frau sein groß Haus, Kloster. Sein da Menschen böse." Ich soot, die Löck wäre jot. Seng
Frau wäe do jot opjehowwe. Äe soll jo och no zwei Dach zeröck konn. Öwwe datt spreiche
woe däe Mann vell ruhiger woore. Et woe e Jlöck, datt ich su vell
Zitt hat, öm em zozehüre. Äe konnt sujar
e besje laache. Dobej lääch äe
seng Hand ne Orebleck op
menge Ärm on soot dobej: "Du sein gut. Du sein wie Mutter." Ich
kann jo nett soon, wie
ich mich öwwe die Woet
von dem Türk jefreut haan.
Die koome von Hätze on jenge an et Hätz. |
|
Ne janz besondere Daach Jede Moond
hätt jett besonderes. Däe
Januar hätt Schnie, däe Februar hätt däe Vasteloovend. Däe November es däe Moond füe die Duede. Datt fänk
met Allesieele aan, ne Daach, däe haupsächlich
von Katholike jefieet wieet. Däe Volkstrauertag soll
aan die Milliune Duede
mahne, die en zwei Weltkreje füe
nex on wedde nex jefalle sen. Schrecklich,
wann me datt richtig
bedenk. Em November krejt jed Jraav en Bloom ode e Lämpche. Wann die Duede och em Joohr männichmool vejeiße sen, op Allesieele wieet an et Jraav jejange oder och Kilometer witt
jefahre. Komisch, datt
die Mensche sich dafüe Zitt
holle. En hallev Stonn en däe Kerch füe oss
Duede bädde on
anschließend op däe Kerchhoff joohn. Do fäält keene üss
demm janze Dörf, wann se och att Joohr on Daach erüss wahne. Die Jraawe sen su
schön jeschmück, datt me meent, et wüe e Fess jefieet.
Ich jlöwe, die Duede
freue sich, datt se all noch ens
kicke konn, öm e
Vaterunser ze bädde on e Woet ze spreiche.
op Allesieele kreje die Duede vell ze hüere.
Aan demm Daach jeeht em Jemöt
en Düe ob, die et janze Joohr zojeschlauße es. Me denk an die Duede
on datt me sellewe och ens sterwe moss. Dobej
dusch me die Mensche, die zeröck
bliewe, net vejeiße. Veliech bruche die jrad en desse Zitt e jot Woet, jett Liebe on jett
Verständnis. Datt wäe bestemp och em Sinne von däe Duede. |
|
Angs Watt es Angs?
Angs, datt eenem de Schweeß erüss kött? Die paa Woet vom Dokte "Wahrscheinlich Krebs" haan alles veännet. De Sonn
schenk nemmie su hell,
die Bloome blöhe net mieh su
schön. Jeknick on jebrauche
kött me vom Dokte zeröck. Stemp et, watt däe jesooht hätt?
Kann däe sich net vedoon? Do kött die Angs. Wie jeeht die Kränk widde, su jnädig
wie bej demm eene ode joohrelang
wie bej nem annere? Watt määch de Frau on
de Kenne? Froore öwwe Froore. Angs krüch enem de Röcke eropp; Angs lääch
sich demm Kranke op däe Kopp, datt äe bahl nemmie
denke kann. Däe Schweeß
es männichmool heeß on männichmool kalt. Do wieet osse Herrjott jefrooch. "Warömm? Kanns due datt
zolooße? Jett et kee Mettel füe mich, kann keene Dokte miee
hellefe?" Ens hätt eene jesooht.
"Wenn es möglich ist, lass diesen Kelch an mir vorüber gehen." Däe eene Satz kann däe Kranke soon, bloos däe eene
Satz, däe nächste kann äe
noch net soon. Noch net. Langsam määch
die Kränk sich bemerkbar. Die Penk es noch üsszehaale. Däe Kranke föhlt sich äwwe merklich schwaach. Däe Dokte hätt doch räech. Et es jätt vekieet em Körper. Die Penk kött jetz
offte, bahl regelmäßig.
Die Medizin hellef noch, äwwe
wie lang noch? Die Weiche joohn langsam on doch flöck erömm. Langsam, wenn me an die Penk denk, flöck, wann me reichnet, datt att bahl e hallev
Joohr erömm es. Dumols hatt äe
noch jemeent, et könnt ne Irrtum sen. Äe weeß jetz.
datt däe Dokte räech hatt.
De Penk höllt zo. De Dokte hätt et zojejänn, äe kann nex mieh
mache. Nur noch jänt die Penk
kann äe jett doon. Watt notz datt däe
Kranke? Et
wäe noch su vell ze doon, su vell ze plääne. Et woere noch Saache no ze holle
on Saache jot ze mache. on dazwesche die Penk. Et wieet emme schlemme. Die
Kraff es üss demm Liev, die kött nemmie zeröck, daa bruch me nemmie dropp ze
waade. Däe Liev wieet rebellisch, däe häält nex mieh bej sich. Et notz nex, däe Kranke moss sich dropp enstelle, datt et nohm Enn zo
jeeht. Äe kann sich datt noch net füestelle, äwwe ens kött, et, Äe well de Ore net zo doon
füe demm, watt op en aakött.
Watt jede ens metmaache moss. Jetz kann äe och datt annet
bädde: "Wann ich sterwe
soll, dann soll et sen. Ich well mich net mieh dajänt, stippe. En Joddes Name kann däe Duet konn." Jetz, wo äe sich met däe Saach
avfonne hätt, es alles vell eefache. Äe kann en Rouh öwwe alles spreiche, Alles sitt annesch üss, die Famellich, Bekannte on
Noobere. Su hätt äe se fröhde
kenz jeseehn. Äe meent, äe
hätt dänne männichmool onräech jedoon. Watt noch ze rejele es, wieet noch jerejelt. Äe merk, datt senge Körper emme schwache
wieet. Äe es jetz janz ruhig. Däe Duet kann konn. Äe es net mieh
bang defüe. |
|
Wann
däe Schoomäche koom En däe
20er Joohre koom ens em Joohr
däe Schoomäche en et Huus. Wann et jeng, fümm Wente. Bey schläechte Schoon hatt me doch emme naaß Föß.
Miee hatten et Ledde sellewe. Wann e Stöck Veh an däe Mätzje
vekoof wue, heel me sich die Hutt üss. Die leet me ze
Mönste bejm Höver jerwe. Dobej hollt me
sich noch e Stöck Lappledde.
Däe Schoomäche konnt en et Huus konn. Äe moot
een jot Platz haan, schön hell on wärm. Äe woll och net jehoddelt sen. 'Wann äe senge
Rucksack leddig määch, joov et jet ze
kicke. Watt do net all drenn woe. Do koome Dose met Penn on Stefte, jrueße on kleene Nähl on Hoofiese. Dann koom Hannefjaahr,
Daasshoor on Peych, füe Peychdroot ze maache. Zwei,
drejeley Ahle. Ne decke Kloppsteen, dodrop wue et Lappledde jeklopp, datt et net su stiev woe. Ne Spannreeme, domet wure die Schoon bejm ärbede op däe
Knee fassjehaale. Schusterhaame on Zange, een komplett kleen Werkstatt. Et
ieesch wuere die Schoon jefleck, die janz nüedig woere. Datt doot däe
Lieejong. Däe Meeste pass op, datt däe alles richtig määch. Dann wuere die
nöy Schoon aajemeyße. De Länk on die Breet vom Foß on von däe Fäesch öwwe de
Spann. No demm
Mooß wure die Leeste parat jemääch, wo die Schoon dropp jeformp wuere. Als Kend pass me op,
wann de eeje Schoon aan däe Rejh woere. Die wuere üss däe Leddehutt erüss
jeschnedde. Die Deel doot däe Schoomäche deheem op däe Nähmaschin zesaame
nähe. Die Schäfte wuere
dann op die Leeste jespannt; dann konnt me seehn, wie die Schoon langsam fäedich wuere. Zomm Schluss koome noch Nähl on Hoofiese dronnet. Noch jot met Troon
enjefett, konnt me se aandoon. Wann se och stiev on schwer woere, su woe me
doch stolz op seng nöy Schoon. Noch e kleen
Stöckelche van nem Schoomäche. Em Kreech hatt eene
füe senge Schoomäche Peych jehammstet. Äe scheck däe
Peych met enem Kend daa.
Datt Kend bräch e Breefche zeröck wo dropp stonn: "Mit dem Pech das war Pech. Es war kein
Pech." |
|
Die schön Pief vom Jroof Ob däe Blangeme Burg woere bes öm 1800 erömm
die Blangeme Jroofe. Dörch Erbschaf, Hierot on och met Kreech woeren
die schön rich woore. En osse Famellich es ne Passierscheng von 1794 für ne Ur‑Urjroßvatte
van mir. Däe fänk su an: "Wir Augusta des heiligen römischen Reiches,
Gräfin von Aremberg, regierende Gräfin von
Manderscheid‑Blankenheim und Gerolstein, Freifrau von Jünkerath,
Dollendorf, Cronenburg Met dem Scheng konnt menge Ur-Urjroßvatte an däe Mosel füe däe Jroof Weng holle fahre. En däe
französische Revolution wure vell
adelich Löck opjehange
oder jeköpp. Wie de Franzuse en et Rheinland koome, jenge hee die adelig Löck all loofe, leete Burje, Huuse on Herrschafte em Stech, on wollte bloos ihr Läwwe rette. Däe Blangeme Jroof flüchtete no Prag, wo äe
Verwandte hatt. Dobej koom äe dörch
Önneschjau. Va lütte Opräjung moot däe Jroof ens
janz ielig üsstredde. Wie
äe se Bedürfnis jemääch
hat, jeng et aff ich
Richtung Prag. Die Löck üss
dem Dörf hatte die Blangeme
Kutsch jeseehn, on och, datt
däe Jroof üssgetrodde woe. Wie se kicke jenge, looch außer dem Hööfche van dem Jroof och demm seng schön Meerschaumpief
do. Die hat äe en däe Opräjung vejeiße. Die Pief es höck net mieh en osse
Famellich. Schaad, ich hätt se ens jäe
jeseehn. |