|
Vüe 50 Joohr woe dä Onnescheed zwesche
Stadt on Land vell jruede wie höck. Em Dörf koom en däe Zitt bloß dann on
wann e Auto. En däe Stadt woe et ähnlich wie höck, wann och e paar Nommere
ruhije. Watt me nüedig hatt konnt me en Mönste koofe. No Kölle woe et att en
richtig jrueß Rees. Dumols joov et keen Verkehrserziehung en däe Scholl. Me
konnt och net am Fernseher kicke, wie me sich en däe Stadt vehaale soll. Ens
moot ich aleen no Kölle. Ich woe dumols alt jenoch, 20 bes 25 Joohr, äwwe
ärch domm. Ich woe att öwwe e paar Strooße jejange on woe noch net öwwefahre
woere. Dann koom en breet Strooß, wo vell Autos drob fuhre. Metze drob stonn
ne Polizist, däe met senge Arme ens su on ens su zeech. Wie ens keen Autos
koome, jeng ich öwwe die Strooß. Ich koom äwwe knapp bes en die Mette, do moot
ich att loofe, datt ich bei däe Polizist koom, do saus att e Auto langs mich. Jetz stohn ich bei demm Polizist op
däe kleene Insel, me Jesiech bei sengem Jesiech. Äe fuchtelt noch emme met
senge Ärme en däe Luff. Dobej hätt äe mich äwwe jot üssjeschannt. Off ich
lebensmüde wäe, wo ich häe kääm on su allerhand. Ejendlich mööt äe miee jo e
Protokoll mache. Wie äe merk, wie verschreck ich woe, hätt äe datt doch net
jedoon. Ich jlöwe, wann äe net do jestanne hätt, wäe ich jlatt en die Autos
an däe annere Sitt erenn jeloofe. Zom Jlöck woe äe schlank, ses wäe ich von
däe kleene Insel eraff jefalle. Wie aan däe annere Sitt ens keen Autos koome
hätt äe mich flöck öwwe die Strooß jescheck. Off äe noch ens Uesaach jehatt
hätt, eenem, däe 1/2 cm vüe em stonn, de Levite zu lesse? Warömm männichmool
öwwe Poliziste jeschannt wieet, weeß ich net. Ich freue mich, wann ich eene
seehn. Vüe e paar Joohr hätt ene miee e Iis
jeschenk. Demm danke ich. |
|