|
Me kann net alle Mensche traue.
Männichmool kann äwwe en zofällich Bekanntschaft janz schön sen. Et woe Samstesoowends
em September. Ich woll jrad en de Kerch joohn. Do koome zwei Mädche en
Pfadfinderkluft, met schwere Rucksäck. So wollte seehn, wo se em Dörf
schloofe könnte. Se hätte Schloofsäck debej, se könnte om Boddem schloofe.
Ich soot, dann könnten se och bei miee en däe Stovv schloofe. Datt woe denn
zweie räech. Se jenge met miee en de Kerch als wenn datt selbstverständlich
wäe. Ich hatt zofällich Jreßmäelsbrej
jekauch, met Rosenge dren. Däe woe jett stiev jeroode. Noch jett Mellich dren, Brued on Botte op däe
Desch, et Owendeiße woe fäedich. Die zwei hatte Honge wie ne Schüredrelsche.
Wie jede zwei Tellere Brej on zwei Schnedde Brued jeiße hatt konnte se net
mieh. Jrad, datt se noch e Ei eiße konnte. Wie jespölt woe, wue vezallt. Die zwei woere Klndergärtnerinne bei
Neuss, 22 Joohr alt, Gerdi on Cornelia. Die Tour en die Eefel woe e
Experiment. Die Gruppenleiter, emme ze zweit, wollte üssprobiere, off se en
Tour mache könnte, oont Jeld üsszejenn. Öwwe Dach bloos datt eiße, watt die
Natur hätt. Se nannte datt Experiment "Mutstein‑Suche". En
Kall hatt dat Experiment aanjefange. Se sprooche kee Platt, vestonne mich
äwwe. Gerdi seng Jroßmotte sprooch och bloß Mundart. Miee haan oss prima
onnehaale. Et woe bahl 12 Uhr wie miee schloofe jenge. Off die Erfahrung och
bei datt Experiment huet? Am annere Morje wue enjepack on
Kaffee jedronke. Dann wue noch jetank, en Feldflasch voll Leitungswasser. op
däe Kaat die Tour ensehn. En Holzmöllem de Erftquell aasehn, dann öwwe
Schönne no Mönste. Do wiee die Probe, off se onnekääme wo se nex bezahle
mööte. Onnewäechs en de Erft speie, off me datt en Neuss noch sehn könnt.
Kontrolliere, off alles do wäe, Kaat on Kampass, Fahrtemätz, Koed on Füespän.
E paar Jrompere hatten se noch em Rucksack, dabei koom noch en Kosch Brued
vom Desch. Däe Rucksack op däe Röcke, dann jeng et met Dank aff. No jett Daach koom ne Breef von däe
Zweie. An däe Erftquell hätten se Erftwasse en die Feldflasche jedoon. Om Wäech
noch Äppel, Brämele on Mais jesammelt on jeiße. Se hätte met demm Rucksack
alles ze Foß jemääch on net jemogelt. Se hätten Löck aanjesprauche, off se
erjens schloofe könnte. Se hätte lehre "Mutstein" fonne. Se wäre
richtig stolz dadrop. Ich meene, datt konne se och. |
|