|
Jede Daach hüet me schlemm Saache,
Kreech on Onjlöcke, Mord on Duetschlaach. Me es att bahl dadraan gewännt.
Wann ich äwwe hüere, datt Eltere sich net öm Iehr Kenne kömmere, jett et miee
ne Stech en et Hätz, Dann sööt me su flöck: "Dat sen richtig
Rabeneltern". Et heesch jo emme, datt Raben, miee
soon dafüe Krohe, die Jonge üss dämm Nest schmisse on sich net mieh drömm
kömmere. Dat war bes jetzt och meng Ansicht, bes ich em Juni em Nobeschdörf
woe. Do looch onnet nem Boom en jong Kroh. Die Buere seehn die Krohe janet
jäe. Se doot miee äwwe doch leed, en
Katz oder ne Hond hätt se do jot fange konne. Ich hatt sellewe keen Zitt,
soot äwwe em Noobeschhuus Bescheed, veliech konnte die dä Kroh hellefe. Wie
Ich datt dä Frau soot meent die: "Da mach ich nichts dran". Dann vezool se miee, watt se ens met
ner Kroh erläww hatt. En demm Boom wäe jed Joohr e Krohenes. Ens hätt och en
Kroh em Jraas jeläje. Wie se die hätt aapacke welle, hätt die se jot en de
Hand jepeck. Domet net jenoch. Op eemool wäe die aahl Krohe konn, datt wäre
die Eltern jewäes. Die hätte ne richtije Anjreff op se jemääch. Sie hätt
bloos noch de Hänn äwwe de Kopp doon konne on wäe flöck en et Huus jeloofe.
Ieesch hätt se sich von demm Schrecke erholle mosse. Se hätt richtig de Zedde
en dä Been jehatt, Üss demm Huus hätt se dann jeseehn, wie die aahl Krohe
Ihre Hond fottjejach hätte, Däe hätt sich janet miee erüss traue konne. Die Frau hatt noch e paar Daach
opjepass, watt et met dä jonge Kroh jejänn hätt. Die Kroh wäe jlöcklich öwwe
de Strooß bes aan lehre Jaadezong konn. Die Eltere hätte se rejelmäßlch
jefoodet, Katz on Hond hätten se met iehre Attacke vejaach,
bes dat die Jong Kroh dann doch hätt flurre konne, wie es meent, Sitt demm
wöss se äwwe, datt die aahl Krohe lehre Kenne net vestösse, Se hätten lehr
Kend sujar jänt die Mensche verteidigt, datt wel att jett heesche. Wie kött et dann, datt me von
Rabeneltern sprech? Krohe bruche vell Foode. Wann datt noe ärch knapp es,
wieet eene net satt, Däe moss dann sterwe. Su es et en dä Natur. Wenn die
Jonge äwwe jruede sen, fällt att ens eene üss demm Ness. Veliech war et och
om Nobeschdörf su. Vlieech hatt dä kleene Käel sich ze vell zojetrout on hatt
ze fröh vesoot, fott ze flurre. Trotzdem hatten die Eltern opjepass, hatten
en jefoodet on beschützt. Jeeht et bej dä Mensche männichmool net
och su? Do kann et och passiere, datt e Kend zu fröh üss dä Famellich erüss
fällt, oder ne Hallefstärke meent, äe könnt alles alleen maache. Hoffentlich
haan se dann Eltere wie die jong Kroh. |
|